Director identification number – Punjabi

Director ID ਕੀ ਹੁੰਦੀ ਹੈ?

Director ID ਇੱਕ 15 ਅੰਕਾਂ ਦਾ ਨਿੱਜੀ ਹਵਾਲਾ ਨੰਬਰ ਹੁੰਦਾ ਹੈ। ਇਹ ਡਾਇਰੈਕਟਰ ਜਾਂ ਡਾਇਰੈਕਟਰ ਬਣਨ ਦੀ ਯੋਜਨਾ ਬਣਾ ਰਹੇ ਕਿਸੇ ਵਿਅਕਤੀ ਨੂੰ ਦਿੱਤਾ ਜਾਂਦਾ ਹੈ ਜਦੋਂ ਉਹ ਸਾਡੇ ਨਾਲ ਆਪਣੀ ਪਛਾਣ ਦੀ ਪੁਸ਼ਟੀ ਕਰ ਲੈਂਦੇ ਹਨ।

ਤੁਹਾਨੂੰ ਲਾਜ਼ਮੀ ਤੌਰ 'ਤੇ ਆਪਣੀ ਖੁਦ ਦੀ Director ID ਲਈ ਅਰਜ਼ੀ ਦੇਣੀ ਚਾਹੀਦੀ ਹੈ। ਤੁਹਾਨੂੰ ਸਿਰਫ਼ ਇੱਕ ਵਾਰ ਅਰਜ਼ੀ ਦੇਣ ਦੀ ਲੋੜ ਪਵੇਗੀ। ਤੁਸੀਂ ਆਪਣੀ Director ID ਹਮੇਸ਼ਾ ਲਈ ਰੱਖਦੇ ਹੋ, ਭਾਵੇਂ ਤੁਸੀਂ:

• ਕੰਪਨੀਆਂ ਬਦਲਦੇ ਹੋ
• ਆਪਣਾ ਨਾਮ ਬਦਲਦੇ ਹੋ
• ਅੰਤਰਰਾਜੀ ਜਾਂ ਵਿਦੇਸ਼ ਚਲੇ ਜਾਂਦੇ ਹੋ।

Director ID ਗਲਤ ਜਾਂ ਫਰਜ਼ੀ ਡਾਇਰੈਕਟਰ ਪਛਾਣਾਂ ਦੀ ਵਰਤੋਂ ਨੂੰ ਰੋਕਣ ਵਿੱਚ ਮੱਦਦ ਕਰਨਗੀਆਂ।

ਕਿਸ ਨੂੰ ਅਰਜ਼ੀ ਦੇਣ ਦੀ ਲੋੜ ਹੈ ਅਤੇ ਕਦੋਂ?

ਤੁਹਾਨੂੰ ਇੱਕ Director ID ਦੀ ਲੋੜ ਹੈ ਜੇਕਰ ਤੁਸੀਂ ਹੇਠ ਲਿਖਿਆ ਦੇ ਡਾਇਰੈਕਟਰ ਹੋ, ਜਾਂ ਡਾਇਰੈਕਟਰ ਬਣੋਗੇ:

• Corporations Act 2001 (Corporations Act) ਦੇ ਤਹਿਤ ਕਿਸੇ ਕੰਪਨੀ, ਰਜਿਸਟਰਡ ਆਸਟ੍ਰੇਲੀਆਈ ਸੰਸਥਾ, ਜਾਂ ਰਜਿਸਟਰਡ ਵਿਦੇਸ਼ੀ ਕੰਪਨੀ ਦੇ।
• Corporations (Aboriginal and Torres Strait Islander) Act 2006 (CATSI Act ) ਦੇ ਤਹਿਤ ਰਜਿਸਟਰਡ ਐਬੋਰਿਜ਼ਨਲ ਅਤੇ ਟੋਰੇਸ ਸਟ੍ਰੇਟ ਆਈਲੈਂਡਰ ਕਾਰਪੋਰੇਸ਼ਨ ਦੇ।

ਸਵੈ-ਪ੍ਰਬੰਧਿਤ ਸੁਪਰ ਫੰਡਾਂ ਦੇ ਕਾਰਪੋਰੇਟ ਟਰੱਸਟੀਆਂ ਲਈ ਵੀ Director ID ਲਈ ਅਰਜ਼ੀ ਦੇਣੀ ਲਾਜ਼ਮੀ ਹੈ।

ਕਿਸ ਨੂੰ ਅਰਜ਼ੀ ਦੇਣ ਦੀ ਲੋੜ ਹੈ, ਇਸ ਬਾਰੇ ਹੋਰ ਜਾਣਨ ਲਈ, ਦੇਖੋ ਕਿ ਕਿਸ ਨੂੰ Director ID ਦੀ ਲੋੜ ਹੈ (ਅੰਗਰੇਜ਼ੀ ਵਿੱਚ)।

ਤੁਹਾਨੂੰ ਆਪਣੀ Director ID ਲਈ ਅਰਜ਼ੀ ਦੇਣੀ ਲਾਜ਼ਮੀ ਹੈ ਜੇ ਤੁਸੀਂ:

• ਪਹਿਲਾਂ ਤੋਂ ਹੀ ਇੱਕ ਡਾਇਰੈਕਟਰ ਹੋ
• ਅਗਲੇ 12 ਮਹੀਨਿਆਂ ਵਿੱਚ ਡਾਇਰੈਕਟਰ ਬਣਨ ਦੀ ਯੋਜਨਾ ਬਣਾ ਰਹੇ ਹੋ।

ਜੇ ਤੁਹਾਨੂੰ ਆਪਣੀ Director ID ਲਈ ਅਰਜ਼ੀ ਦੇਣ ਲਈ ਵਾਧੂ ਸਮੇਂ ਦੀ ਲੋੜ ਹੈ, ਤਾਂ ਤੁਹਾਨੂੰ Director ID ਬਣਾਉਣ ਲਈ ਅਰਜ਼ੀ ਦੇਣ ਲਈ ਵਾਧੂ ਸਮਾਂ ਲੈਣ ਲਈ ਇੱਕ ਅਰਜ਼ੀ ਭਰਨ ਦੀ ਲੋੜ ਹੈ (NAT75390, PDF, 271KB) (ਅੰਗਰੇਜ਼ੀ ਵਿੱਚ)। ਜੇ ਤੁਹਾਨੂੰ ਫਾਰਮ ਭਰਨ ਵਿੱਚ ਸਮੱਸਿਆਵਾਂ ਆਉਂਦੀਆਂ ਹਨ, ਤਾਂ ਸਹਾਇਤਾ ਲੈਣ ਲਈ ਸਾਡੇ ਨਾਲ ਸੰਪਰਕ ਕਰੋ (ਅੰਗਰੇਜ਼ੀ ਵਿੱਚ) ।

ਆਪਣੀ Director ID ਲਈ ਅਰਜ਼ੀ ਕਿਵੇਂ ਦੇਣੀ ਹੈ

ਤੁਹਾਨੂੰ ਲਾਜ਼ਮੀ ਤੌਰ 'ਤੇ ਆਪਣੀ ਖੁਦ ਦੀ Director ID ਲਈ ਅਰਜ਼ੀ ਦੇਣੀ ਚਾਹੀਦੀ ਹੈ ਤਾਂ ਜੋ ਤੁਸੀਂ ਆਪਣੀ ਪਛਾਣ ਸਾਬਤ ਕਰ ਸਕੋ। ਕੋਈ ਵੀ ਤੁਹਾਡੇ ਲਈ ਅਰਜ਼ੀ ਨਹੀਂ ਦੇ ਸਕਦਾ ਹੈ।

ਇਸ ਲਈ ਅਰਜ਼ੀ ਦੇਣਾ ਮੁਫ਼ਤ ਹੈ।

ਜੇਕਰ ਤੁਹਾਡੇ ਕੋਲ ਆਸਟ੍ਰੇਲੀਆਈ ਪਛਾਣ ਦਸਤਾਵੇਜ਼ ਹਨ, ਤਾਂ ਤੁਹਾਡੇ ਲਈ Director ID ਪ੍ਰਾਪਤ ਕਰਨ ਦਾ ਸਭ ਤੋਂ ਤੇਜ਼ ਤਰੀਕਾ ਹੇਠਾਂ ਦਿੱਤੇ ਕਦਮਾਂ ਦੀ ਪਾਲਣਾ ਕਰਕੇ ਔਨਲਾਈਨ ਅਰਜ਼ੀ ਦੇਣਾ ਹੈ।

ਕਦਮ 1 - MyID ਬਣਾਓ

ਤੁਹਾਨੂੰ ਘੱਟੋ-ਘੱਟ ਮਿਆਰੀ ਪਛਾਣ ਸ਼ਕਤੀ ਵਾਲੀ myID ਦੀ ਲੋੜ ਪਵੇਗੀ। 

myID, myGov ਤੋਂ ਵੱਖਰੀ ਹੁੰਦੀ ਹੈ।

myID ਇੱਕ ਐਪ ਹੈ ਜਿਸਨੂੰ ਤੁਸੀਂ ਆਪਣੇ ਸਮਾਰਟ ਡਿਵਾਈਸ 'ਤੇ ਡਾਊਨਲੋਡ ਕਰਦੇ ਹੋ। ਇਹ ਐਪ ਤੁਹਾਨੂੰ myGov ਸਮੇਤ ਕਈ ਸਰਕਾਰੀ ਔਨਲਾਈਨ ਸੇਵਾਵਾਂ ਵਿੱਚ ਲੌਗਇਨ ਕਰਨ ਲਈ ਇਹ ਸਾਬਤ ਕਰਨ ਦਿੰਦੀ ਹੈ ਕਿ ਤੁਸੀਂ ਕੌਣ ਹੋ। ਮਿਆਰੀ ਪਛਾਣ ਸ਼ਕਤੀ ਲਈ, ਤੁਹਾਨੂੰ ਆਪਣੇ ਨਿੱਜੀ ਵੇਰਵੇ ਭਰਨ ਅਤੇ ਘੱਟੋ-ਘੱਟ ਦੋ ਆਸਟ੍ਰੇਲੀਆਈ ਪਛਾਣ ਦਸਤਾਵੇਜ਼ਾਂ ਦੀ ਵਰਤੋਂ ਕਰਕੇ ਆਪਣੀ ਪਛਾਣ ਦੀ ਪੁਸ਼ਟੀ ਕਰਨ ਦੀ ਲੋੜ ਹੋਵੇਗੀ।

myGov ਇੱਕ ਅਜਿਹਾ ਖਾਤਾ ਹੈ ਜੋ ਤੁਹਾਨੂੰ ਆਸਟ੍ਰੇਲੀਆਈ ਟੈਕਸੇਸ਼ਨ ਆਫਿਸ (ATO), Centrelink, Medicare ਅਤੇ ਹੋਰ ਸਰਕਾਰੀ ਏਜੰਸੀਆਂ ਲਈ ਔਨਲਾਈਨ ਸੇਵਾਵਾਂ ਤੱਕ ਪਹੁੰਚ ਕਰਨ ਦਿੰਦਾ ਹੈ।

ਜੇ ਤੁਸੀਂ ਆਸਟ੍ਰੇਲੀਆ ਵਿੱਚ ਰਹਿੰਦੇ ਹੋ ਅਤੇ:

• ਤੁਹਾਡੇ ਕੋਲ ਪਹਿਲਾਂ ਹੀ myID ਹੈ, ਕਦਮ 2 'ਤੇ ਜਾਓ 
• ਤੁਹਾਡੇ ਕੋਲ myID ਨਹੀਂ ਹੈ, ਤੁਹਾਨੂੰ ਇਸਨੂੰ ਬਣਾਉਣ ਦੀ ਲੋੜ ਪਵੇਗੀ। myID  ਕਿਵੇਂ ਬਣਾਉਣੀ ਹੈ (ਅੰਗਰੇਜ਼ੀ ਵਿੱਚ), 'ਤੇ ਜਾ ਕੇ ਪਤਾ ਲਗਾਓ ਕਿ ਕਿਵੇਂ।
• ਤੁਸੀਂ ਸਿਰਫ਼ ਇੱਕ ਬੁਨਿਆਦੀ ਪਛਾਣ ਸ਼ਕਤੀ ਵਾਲੀ myID ਬਣਾ ਸਕਦੇ ਹੋ, ਤਾਂ ਤੁਸੀਂ ਆਪਣੀ Director ID ਲਈ ਫ਼ੋਨ ਦੁਆਰਾ ਜਾਂ ਕਾਗਜ਼ ਫਾਰਮ ਭਰਕੇ ਅਰਜ਼ੀ ਦੇ ਸਕਦੇ ਹੋ। ਹੋਰ ਜਾਣਨ ਲਈ, ਦੇਖੋ, ਆਪਣੀ Director ID ਲਈ ਅਰਜ਼ੀ ਦਿਓ (ਅੰਗਰੇਜ਼ੀ ਵਿੱਚ) ।

ਕਦਮ 2 - ਆਪਣੇ ਪਛਾਣ ਦਸਤਾਵੇਜ਼ ਤਿਆਰ ਕਰੋ

ਅਸੀਂ ਤੁਹਾਨੂੰ ਸਵਾਲ ਪੁੱਛਾਂਗੇ ਤਾਂ ਜੋ ਅਸੀਂ ਤੁਹਾਡੀ ਪਛਾਣ ਦੀ ਪੁਸ਼ਟੀ ਕਰ ਸਕੀਏ ਅਤੇ ਤੁਹਾਡੇ myID ਨੂੰ ਤੁਹਾਡੇ ਆਸਟ੍ਰੇਲੀਆਈ ਟੈਕਸੇਸ਼ਨ ਆਫਿਸ (ATO) ਰਿਕਾਰਡ ਨਾਲ ਲਿੰਕ ਕਰ ਸਕੀਏ।

ਜਦੋਂ ਤੁਸੀਂ ਅਰਜ਼ੀ ਦਿੰਦੇ ਹੋ, ਤਾਂ ਤੁਹਾਨੂੰ ਲੋੜ ਪਵੇਗੀ:

• ਆਪਣੇ ਟੈਕਸ ਫਾਈਲ ਨੰਬਰ (TFN) ਦੀ
• ATO ਦੁਆਰਾ ਰਿਕਾਰਡ ਕੀਤੇ ਆਪਣੇ ਰਿਹਾਇਸ਼ੀ ਪਤੇ ਦੀ
• ਆਪਣੀ ਪਛਾਣ ਦੀ ਪੁਸ਼ਟੀ ਕਰਨ ਲਈ 2 ਦਸਤਾਵੇਜ਼ਾਂ ਤੋਂ ਜਾਣਕਾਰੀ ਦੀ।

ਹੇਠ ਲਿਖਿਆ ਬਾਰੇ ਪਤਾ ਕਰਨ ਲਈ ਆਪਣੀ ਪਛਾਣ ਦੀ ਪੁਸ਼ਟੀ ਕਰੋ (ਅੰਗਰੇਜ਼ੀ ਵਿੱਚ) ਦੇਖੋ:

• ਉਹਨਾਂ ਦਸਤਾਵੇਜ਼ਾਂ ਦੀਆਂ ਉਦਾਹਰਨਾਂ, ਜਿੰਨ੍ਹਾਂ ਦੀ ਵਰਤੋਂ ਤੁਸੀਂ ਆਪਣੀ ਪਛਾਣ ਦੀ ਪੁਸ਼ਟੀ ਕਰਨ ਲਈ ਕਰ ਸਕਦੇ ਹੋ
• ਉਹ ਜਾਣਕਾਰੀ ਜੋ ਤੁਹਾਨੂੰ ਇਹਨਾਂ ਦਸਤਾਵੇਜ਼ਾਂ ਤੋਂ ਦੇਣ ਦੀ ਲੋੜ ਹੋਵੇਗੀ
• ਪਛਾਣ ਦਸਤਾਵੇਜ਼ ਜੇ ਤੁਸੀਂ ਕਾਗਜ਼ੀ ਫਾਰਮ ਦੀ ਵਰਤੋਂ ਕਰਕੇ ਅਰਜ਼ੀ ਦੇ ਰਹੇ ਹੋ ਤਾਂ ਤੁਹਾਨੂੰ ਤਸਦੀਕਸ਼ੁਦਾ ਕਾਪੀਆਂ ਦੇਣ ਦੀ ਲੋੜ ਪਵੇਗੀ।

ਕਦਮ 3 - ਆਪਣੀ ਅਰਜ਼ੀ ਨੂੰ ਪੂਰਾ ਕਰੋ

ਜੇ ਤੁਹਾਡੇ ਕੋਲ ਆਪਣਾ myID ਅਤੇ ਤੁਹਾਡੇ ਪਛਾਣ ਦਸਤਾਵੇਜ਼ ਹਨ, ਤਾਂ ਹੇਠਾਂ ਦਿੱਤੇ ਬਟਨ ਦੀ ਵਰਤੋਂ ਕਰਕੇ ABRS ਔਨਲਾਈਨ ਵਿੱਚ ਲੌਗ-ਇਨ ਕਰੋ।

ਹੁਣੇ MyID ਨਾਲ ਅਰਜ਼ੀ ਦਿਓ  (ਅੰਗਰੇਜ਼ੀ ਵਿੱਚ)

ਜਦੋਂ ਤੁਸੀਂ ਲੌਗ-ਇਨ ਕਰਦੇ ਹੋ, ਤਾਂ ਤੁਹਾਨੂੰ ਇੱਕ 4-ਅੰਕਾਂ ਦਾ ਕੋਡ ਪ੍ਰਾਪਤ ਹੋਵੇਗਾ ਜਿਸਨੂੰ ਤੁਹਾਨੂੰ ਆਪਣੀ myID ਐਪ ਵਿੱਚ ਭਰਨ ਦੀ ਲੋੜ ਹੈ।

ਜਦੋਂ ਤੁਸੀਂ ਆਪਣੀ ਅਰਜ਼ੀ ਨੂੰ ਪੂਰਾ ਕਰ ਲੈਂਦੇ ਹੋ, ਤਾਂ ਤੁਹਾਡੀ Director ID ਤੁਹਾਡੀ ਸਕ੍ਰੀਨ 'ਤੇ ਦਿਖਾਈ ਦੇਵੇਗੀ।

ਆਸਟ੍ਰੇਲੀਆ ਵਿੱਚ ਰਹਿਣ ਵਾਲੇ ਡਾਇਰੈਕਟਰਾਂ ਲਈ ਹੋਰ ਤਰੀਕੇ 

ਫ਼ੋਨ ਦੁਆਰਾ ਅਰਜ਼ੀ ਦੇਣਾ

ਜੇ ਤੁਸੀਂ ਇਸ ਸਮੇਂ ਆਸਟ੍ਰੇਲੀਆ ਵਿੱਚ ਰਹਿੰਦੇ ਹੋ ਅਤੇ ਔਨਲਾਈਨ ਅਰਜ਼ੀ ਨਹੀਂ ਦੇ ਸਕਦੇ ਹੋ, ਤਾਂ Director ID ਲੈਣ ਲਈ ਅਰਜ਼ੀ ਦੇਣ ਲਈ ਸਾਨੂੰ ਫ਼ੋਨ ਕਰੋ (ਅੰਗਰੇਜ਼ੀ ਵਿੱਚ)।

ਜਦੋਂ ਤੁਸੀਂ ਫ਼ੋਨ ਰਾਹੀਂ ਅਰਜ਼ੀ ਦਿੰਦੇ ਹੋ, ਤਾਂ ਤੁਹਾਨੂੰ ਆਪਣੀ ਪਛਾਣ ਦੀ ਪੁਸ਼ਟੀ ਕਰਨ ਲਈ ਕਿਹਾ ਜਾਵੇਗਾ। ਅਸੀਂ ਤੁਹਾਨੂੰ ਸਾਡੇ ਕੋਲ ਮੌਜੂਦ ਤੁਹਾਡੇ ਬਾਰੇ ਜਾਣਕਾਰੀ ਦੇ ਅਧਾਰ 'ਤੇ ਸਵਾਲ ਪੁੱਛਾਂਗੇ, ਜਿਸ ਵਿੱਚ ਤੀਜੀਆਂ ਧਿਰਾਂ ਅਤੇ ਹੋਰ ਸਰਕਾਰੀ ਵਿਭਾਗਾਂ ਦੀ ਜਾਣਕਾਰੀ ਵੀ ਸ਼ਾਮਲ ਹੈ। ਵਧੇਰੇ ਜਾਣਕਾਰੀ ਲਈ, ਆਪਣੀ ਪਛਾਣ ਸਿੱਧ ਕਰੋ (ਅੰਗਰੇਜ਼ੀ ਵਿੱਚ) ਦੇਖੋ ।

ਕਾਗਜ਼ੀ ਫਾਰਮ ਨਾਲ ਅਰਜ਼ੀ ਦਿਓ

ਜੇ ਤੁਸੀਂ ਔਨਲਾਈਨ ਜਾਂ ਫ਼ੋਨ ਦੁਆਰਾ ਅਰਜ਼ੀ ਨਹੀਂ ਦੇ ਸਕਦੇ ਹੋ, ਤਾਂ ਤੁਸੀਂ ਇੱਕ ਕਾਗਜ਼ੀ ਅਰਜ਼ੀ ਫਾਰਮ -ਆਸਟ੍ਰੇਲੀਆ ਵਿੱਚ ਰਹਿਣ ਵਾਲੇ ਲੋਕਾਂ ਲਈ – Director identification number  ਲਈ ਅਰਜ਼ੀ 
  (NAT 75437, PDF, 230KB) (ਅੰਗਰੇਜ਼ੀ ਵਿੱਚ) - ਦੀ ਵਰਤੋਂ ਕਰ ਸਕਦੇ ਹੋ।

ਜੇ ਤੁਹਾਨੂੰ ਫਾਰਮ ਭਰਨ ਵਿੱਚ ਸਮੱਸਿਆਵਾਂ ਹਨ ਜਾਂ ਸਹਾਇਤਾ ਦੀ ਲੋੜ ਹੈ, ਤਾਂ ਸਾਡੇ ਨਾਲ ਸੰਪਰਕ ਕਰੋ (ਅੰਗਰੇਜ਼ੀ ਵਿੱਚ)।

ਆਸਟ੍ਰੇਲੀਆ ਤੋਂ ਬਾਹਰ ਰਹਿੰਦੇ ਡਾਇਰੈਕਟਰਾਂ ਲਈ

ਜੇਕਰ ਤੁਸੀਂ ਆਸਟ੍ਰੇਲੀਆ ਤੋਂ ਬਾਹਰ ਰਹਿੰਦੇ ਹੋ ਅਤੇ ਸਿਰਫ਼ ਬੁਨਿਆਦੀ ਪਛਾਣ ਸ਼ਕਤੀ ਵਾਲੀ myID ਹੀ ਪ੍ਰਾਪਤ ਕਰ ਸਕਦੇ ਹੋ, ਤਾਂ ਤੁਹਾਨੂੰ Director identification number  (NAT75433, PDF, 651KB) (ਅੰਗਰੇਜ਼ੀ ਵਿੱਚ) ਲਈ ਅਰਜ਼ੀ ਭਰਨ ਦੀ ਲੋੜ ਹੋਵੇਗੀ।

ਤੁਹਾਨੂੰ ਆਪਣੇ ਪਛਾਣ ਦਸਤਾਵੇਜ਼ਾਂ ਦੀਆਂ ਤਸਦੀਕਸ਼ੁਦਾ ਕਾਪੀਆਂ ਦੇਣ ਦੀ ਵੀ ਲੋੜ ਪਵੇਗੀ। ਵਧੇਰੇ ਜਾਣਕਾਰੀ ਲਈ, ਆਪਣੀ ਪਛਾਣ ਦੀ ਪੁਸ਼ਟੀ ਕਰੋ (ਅੰਗਰੇਜ਼ੀ ਵਿੱਚ) ਦੇਖੋ।

ਇਹ ਕਿਵੇਂ ਪਤਾ ਕਰਨਾ ਹੈ ਕਿ ਕੀ ਤੁਹਾਨੂੰ ਤੁਹਾਡੀ ਸਹਿਮਤੀ ਤੋਂ ਬਿਨਾਂ ਡਾਇਰੈਕਟਰ ਨਿਯੁਕਤ ਕਰ ਦਿੱਤਾ ਗਿਆ ਹੈ

ਜੇ ਤੁਸੀਂ ਸੋਚਦੇ ਹੋ ਕਿ ਤੁਹਾਨੂੰ ਤੁਹਾਡੀ ਸਹਿਮਤੀ ਤੋਂ ਬਿਨਾਂ ਕਿਸੇ ਕੰਪਨੀ ਦੇ ਡਾਇਰੈਕਟਰ ਵਜੋਂ ਨਿਯੁਕਤ ਕੀਤਾ ਗਿਆ ਹੈ, ਤਾਂ ਤੁਸੀਂ ASIC 'ਤੇ ਔਨਲਾਈਨ ਪੁੱਛਗਿੱਛ (ਅੰਗਰੇਜ਼ੀ ਵਿੱਚ) ਦਰਜ ਕਰ ਸਕਦੇ ਹੋ।

1. ਇਸ ਸਕ੍ਰੀਨ 'ਤੇ ਡ੍ਰੌਪ-ਡਾਉਨ ਮੀਨੂ ਤੋਂ ਹੇਠਾਂ ਦਿੱਤੇ ਵਿਕਲਪਾਂ ਦੀ ਚੋਣ ਕਰੋ:
   • ਮੇਰਾ ਸਵਾਲ – ਕੰਪਨੀ ਬਾਰੇ ਹੈ।
   • ਮੈਂ ਜਾਣਨਾ ਚਾਹੁੰਦਾ ਹਾਂ ਕਿ - Director ID ਕਿਵੇਂ ਬਣਾਉਣੀ ਹੈ
2. ਜਮ੍ਹਾਂ ਕਰੋ 'ਤੇ ਕਲਿੱਕ ਕਰੋ।

ਜਦੋਂ ਤੁਸੀਂ ਔਨਲਾਈਨ ਫਾਰਮ ਭਰਦੇ ਹੋ, ਤਾਂ ਤੁਹਾਨੂੰ ਇਹ ਦੇਣ ਦੀ ਲੋੜ ਪਵੇਗੀ: 

• ਆਸਟ੍ਰੇਲੀਆਈ ਕੰਪਨੀ ਨੰਬਰ 
• ਕੰਪਨੀ ਦਾ ਨਾਮ 
• ਉਹ ਜਾਣਕਾਰੀ ਜੋ ਦੱਸਦੀ ਹੈ ਕਿ ਤੁਸੀਂ ਉਸ ਸੰਸਥਾ ਦਾ ਡਾਇਰੈਕਟਰ ਬਣਨ ਲਈ ਆਪਣੀ ਸਹਿਮਤੀ ਪ੍ਰਦਾਨ ਨਹੀਂ ਕੀਤੀ ਸੀ।

ਆਪਣੀ Director ID ਨਾਲ ਕੀ ਕਰਨਾ ਹੈ

ਇੱਕ ਵਾਰ ਜਦੋਂ ਤੁਸੀਂ ਆਪਣੀ Director ID ਪ੍ਰਾਪਤ ਕਰ ਲੈਂਦੇ ਹੋ, ਤਾਂ ਇਸਨੂੰ ਉਦੋਂ ਤੱਕ ਸੁਰੱਖਿਅਤ ਰੱਖੋ ਜਦੋਂ ਤੱਕ ਤੁਹਾਨੂੰ ਇਸਦੀ ਵਰਤੋਂ ਕਰਨ ਦੀ ਲੋੜ ਨਹੀਂ ਪੈਂਦੀ ਹੈ।

ਸਾਡੇ ਨਾਲ ਸੰਪਰਕ ਕਰੋ

ਸਾਨੂੰ ਫ਼ੋਨ ਕਰੋ

ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸਵੇਰੇ 8:00 ਵਜੇ ਤੋਂ ਸ਼ਾਮ 6:00 ਵਜੇ ਦੇ ਵਿਚਕਾਰ ਸਾਨੂੰ ਫ਼ੋਨ ਕਰ ਸਕਦੇ ਹੋ।

• ਜੇ ਤੁਸੀਂ ਆਸਟਰੇਲੀਆ ਵਿੱਚ ਹੋ, ਤਾਂ 13 62 50 'ਤੇ ਫ਼ੋਨ ਕਰੋ।
• ਜੇ ਤੁਸੀਂ ਵਿਦੇਸ਼ ਵਿੱਚ ਹੋ, ਤਾਂ +61 2 6216 3440 'ਤੇ ਫ਼ੋਨ ਕਰੋ।
• ਅਨੁਵਾਦ ਅਤੇ ਦੁਭਾਸ਼ੀਆ ਸੇਵਾ (TIS ਨੈਸ਼ਨਲ) - ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਤੱਕ ਸਵੇਰੇ 8:00 ਵਜੇ ਤੋਂ ਸ਼ਾਮ 6:00 ਵਜੇ ਦੇ ਵਿਚਕਾਰ 13 14 50 'ਤੇ TIS ਨੈਸ਼ਨਲ ਨੂੰ ਫ਼ੋਨ ਕਰਕੇ ਆਪਣੀ ਪਸੰਦੀਦਾ ਭਾਸ਼ਾ ਵਿੱਚ ਸਾਡੇ ਨਾਲ ਗੱਲ ਕਰ ਸਕਦੇ ਹੋ। ਜੇ ਤੁਸੀਂ ਵਿਦੇਸ਼ ਤੋਂ ਫ਼ੋਨ ਕਰ ਰਹੇ ਹੋ, ਤਾਂ +61 3 9268 8332 'ਤੇ ਫ਼ੋਨ ਕਰੋ। ਫਿਰ ਸੇਵਾ ਸਾਨੂੰ ਇੱਕ ਦੁਭਾਸ਼ੀਏ ਨਾਲ ਫ਼ੋਨ ਕਰੇਗੀ ਤਾਂ ਜੋ ਅਸੀਂ ਤੁਹਾਡੀ ਪੁੱਛਗਿੱਛ ਵਿੱਚ ਮੱਦਦ ਕਰ ਸਕੀਏ।
• ਕਾਲ-ਬੈਕ ਲਾਈਨ - ਜੇ ਅਸੀਂ ਤੁਹਾਡੇ ਨਾਲ ਪੱਤਰ, ਈ-ਮੇਲ ਜਾਂ ਫ਼ੋਨ ਦੁਆਰਾ ਸੰਪਰਕ ਕਰਦੇ ਹਾਂ, ਤਾਂ ਅਸੀਂ ਆਪਣਾ ਕਾਲ-ਬੈਕ ਨੰਬਰ ਅਤੇ ਇੱਕ PIN ਪ੍ਰਦਾਨ ਕਰ ਸਕਦੇ ਹਾਂ। ਫਿਰ ਉਸ ਨੰਬਰ 'ਤੇ ਫ਼ੋਨ ਕਰੋ, ਜਦੋਂ ਪੁੱਛਿਆ ਜਾਂਦਾ ਹੈ, ਤਾਂ ਉਹ PIN ਭਰੋ ਜੋ ਅਸੀਂ ਤੁਹਾਨੂੰ ਦਿੱਤਾ ਸੀ। ਇਹ ਯਕੀਨੀ ਬਣਾਏਗਾ ਕਿ ਤੁਸੀਂ ਸਹੀ ਗਾਹਕ ਸੇਵਾ ਨੁਮਾਇੰਦੇ ਨਾਲ ਜੁੜੇ ਹੋਏ ਹੋ।
  • ਆਸਟ੍ਰੇਲੀਆ ਵਿੱਚ ਕਾਲ-ਬੈਕ ਨੰਬਰ - 1300 306 275.
  • ਆਸਟ੍ਰੇਲੀਆ ਤੋਂ ਬਾਹਰ ਕਾਲ-ਬੈਕ ਨੰਬਰ - +61 2 6216 3442 ਅਤੇ 1300 306 275 ਨਾਲ ਸੰਪਰਕ ਕਰਵਾਉਣ ਲਈ ਕਹੋ।

ਉਹ ਸਵਾਲ ਜੋ ਅਸੀਂ ਤੁਹਾਨੂੰ ਪੁੱਛ ਸਕਦੇ ਹਾਂ

ਇਸ ਤੋਂ ਪਹਿਲਾਂ ਕਿ ਅਸੀਂ ਤੁਹਾਡੇ ਵੇਰਵਿਆਂ ਬਾਰੇ ਵਿਚਾਰ-ਵਟਾਂਦਰਾ ਕਰ ਸਕੀਏ ਜਾਂ ਤੁਹਾਡੇ ਰਿਕਾਰਡਾਂ ਨੂੰ ਅੱਪਡੇਟ ਕਰ ਸਕੀਏ, ਤੁਹਾਨੂੰ ਆਪਣੀ ਪਛਾਣ ਸਾਬਤ ਕਰਨੀ ਲਾਜ਼ਮੀ ਹੈ।

ਅਸੀਂ ਤੁਹਾਨੂੰ ਤੁਹਾਡੀ ਟੈਕਸ ਜਾਣਕਾਰੀ ਦੇ ਅਧਾਰ 'ਤੇ ਸਵਾਲ ਪੁੱਛਾਂਗੇ, ਜਿਸ ਵਿੱਚ ਤੀਜੀਆਂ ਧਿਰਾਂ ਅਤੇ ਹੋਰ ਸਰਕਾਰੀ ਵਿਭਾਗਾਂ ਦੀ ਜਾਣਕਾਰੀ ਵੀ ਸ਼ਾਮਲ ਹੈ।

ਇਸ ਵਿੱਚ ਤੁਹਾਨੂੰ ਜਾਰੀ ਕੀਤੇ ਗਏ ATO ਪੱਤਰ ਜਾਂ ਨੋਟਿਸਾਂ ਦੇ ਵੇਰਵੇ, ਟੈਕਸ ਰਿਟਰਨ ਦੇ ਵੇਰਵੇ, ਜਾਂ ਹੋਰ ਜਾਣਕਾਰੀ ਜੋ ਤੁਹਾਡੀ ਪਛਾਣ ਦੀ ਪੁਸ਼ਟੀ ਕਰਨ ਵਿੱਚ ਸਾਡੀ ਮੱਦਦ ਕਰੇਗੀ, ਸ਼ਾਮਲ ਹੋ ਸਕਦੇ ਹਨ।

ਸਾਨੂੰ ਪੱਤਰ ਲਿਖੋ

ਤੁਸੀਂ ਸਾਨੂੰ ਇਸ ਪਤੇ 'ਤੇ ਪੱਤਰ ਲਿਖ ਸਕਦੇ ਹੋ:

Australian Business Registry Services
Locked Bag 6000
ALBURY NSW 2640
Australia